कोरोना रोक्न सरकारको कदम : आम नागरिकलाई सरकार वास्तविक अभिभावक भएको अनुभुती

पाण्डव शर्मा 

कोरोना भाइरसको संक्रमणबाट मुलुकलाई जोगाउन सरकारले ‘लकडाउन’ गरेको एक साता पूरा भएको छ । परिस्थितिलाई कावुमा ल्याउन सरकारले लकडाउनको अवधि आगामी २५ गतेसम्मका लागि थप गरेको छ ।

नेपालमा अहिलेसम्म पाँच जनामा कोरोना संक्रमण भएको पुष्टि भएको छ । यसमध्ये एक जना पूर्ण रुपमा निको भएर घरमा स्वास्थ्य लाभ गरिरहेका छन् । अन्यको अहिले उपचार भइरहेको छ । विश्वका अधिकांश विकशित मुलुकहरुमा तीब्र रुपमा फैलिरहेको कोरोना संक्रमण सरकारको उचित पहलदमीले नेपालमा अहिलेसम्म नियन्त्रणमै देखिएको छ ।

सरकारले अँझ पहिले नै लकडाउन गरेको भए र विदेशबाट आउनेहरुको स्वास्थ्य चेकजाँच राम्रो ढंगले गर्न सकेको भए यी सङ्क्रमितहरुको पनि तत्काल पहिचान हुन सक्थ्यो । नेपालमा लकडाउन हुनुभन्दा करिब एक साता अघि देखि छिमेकी मुलुक भारतबाट लाखौं नेपालीहरु स्वदेश फिर्ता भए ।

उनीहरु नेपाल फर्कदा गाउँगाउँसम्म संक्रमण फैलने कतिपयले अनुमान गरेका थिए । तर, अहिलेसम्मको अवस्था हेर्दा उनीहरुबाट जोखिम बढेको देखिदैन । हालसम्म देखिएका पाँच जना संक्रमति सबै तेस्रो मुलुकबाट आएका नेपाली हुन् ।

कोरोना संक्रमणको लक्षण १४ दिनसम्म देखिने भएकाले अँझै पनि भारतबाट आएकाहरु कोही पनि संक्रमित थिएनन् भनेर भन्न सकिदैन । तर, भारतमा पनि त्यतिबेला कोरोनाको संक्रमण तीव्र रुपमा फैलिनसकेकाले नेपालीहरुमा संक्रमण नभएको अनुमान गर्न सकिन्छ । भारतमा काम गर्न जाने अधिकांश नेपालीहरु मजदूरीमा जाने भएकाले उनीहरुमा संक्रमण नआएको हुन सक्छ ।

स्थानीय रोग नभएर भारतमा पनि विदेशको पँहुच भएकाहरुमा संक्रमण देखिएको छ । ती व्यक्तिहरुसँग नेपालीहरुको खासै पँहुच देखिदैन । तर, भारतमा होटेलका मजदूर तथा सुरक्षा गार्डहरु नेपालीहरु पनि भएकाले उनीहरुमा पनि सरेको छ कि भन्ने अनुमान गरिएको थियो । उनीहरुमा संक्रमण भएको थियो की थिएन भनेर यकिन हुन अँझै एक साता कुर्नुपर्ने देखिन्छ ।

सरकारको सकारात्मक कदम

सरकारले नेपालमा दोस्रो व्यक्तिमा संक्रमण फैलिएको पुष्टि हुने वित्तिकै तत्काल लकडाउन गर्ने निर्णय गरेर संक्रमण फैलनबाट धेरै हदसम्म बचाएको छ । तर, विदेशबाट सोही उडानमा आएका नेपालीहरु गाउँगाउँम्म पुगेकाले अँझै जोखिम देखिन्छ । सरकारले अन्तराष्ट्रिय उडान अँझ एक साता अघि नै बन्द गरेको भए उक्त जोखिम पनि हुँदैन थियो ।

अहिले सरकारले सबै प्रदेशमा कोरोना संक्रमण भएकाहरुका लागि उपचारको व्यवस्था गरेको छ । यो निकै स्वागतयोग्य कदम हो ।

अहिले स्थानीय तहहरुमा धमाधम क्वारेन्टाइन बनाउने काम भइरहेको छ । विदेशबाट आउनेहरुको स्वास्थ्य परिक्षण र तथ्यांक संकलनको काम पनि तीव्र गतिमा भइरहेको छ । जनताले अहिले वास्तविकरुपमा बलियो सरकारको अनुभूति गरेका छन् ।

सरकारका कामको आलोचना गर्ने थुप्रै ठाउँहरु होलान् तर, हाम्रो जस्तो आर्थिक रुपमा कमजोर मुलुकले यो भन्दा बढी कदम चाल्न सक्ने ठाउँ थिएन भन्ने कुरा सबैले बुझ्न जरुरी छ । जुन ढंगले सरकारले पहलदमी लिएको छ । यसले आम नागरिकलाई सरकार वास्तविक अभिभावक भएको अनुभुती भएको छ । सरकारले जनताको स्वास्थ्य र जीवनको चिन्ता गरिरहेको छ भन्ने कुराको पूर्णरुपमा पुष्टि भएको छ ।

विश्वबाट हामीले सिक्नुपर्ने पाठ

कोरोना संक्रमण नियन्त्रणका लागि हामीले विश्वका अन्य मुलुकहरुबाट पाठ सिक्न जरुरी छ । यसको ज्वलन्त उदाहरणको रुपमा इटलि, स्पेन, अमेरिका, चीन र दक्षिण कोरियालाई लिन सकिन्छ ।

चीन र दक्षिण कोरियाले अपनाएको साबधानी र इटली, स्पेन तथा अमेरिकाले गरेका लापरबाहिबाट हामीले पाठ सिक्नुपर्छ । विश्वका शक्तिशाली राष्ट्र मानिएका अमेरिका र यूरोपियन मुलुकहरु अहिले तहसनहस भएका छन् । उनीहरु सैन्य र आार्थिक मामिलामा जति शक्तिशालि भए पनि स्वास्थ्य जस्तो संवेदनशिल विषयमा कति कमजोर रहेछन् भन्ने कुराको पुष्टि भएको छ ।

विश्वको महाशक्ति अमेरिका अहिले कोरोनाकै कारण कमजोर बनेको अनुभुती भएको छ । कम्युनिष्ट नेतृत्व भएको चीनले अहिले विश्वमा जबरजस्तरुपमा आफ्नो प्रभाव जमाउन सफल भएको छ । उसले संसारका सबै मुलुकमा स्वास्थ्य सामग्री तथा अन्य राहत प्रदान गरेको छ । उसले आफ्नो मुलुकमा कोरोना लगभग नियन्त्रण गरिसकेको छ ।

दक्षिण कोरियाको नेतृत्वको उचित पहकलकदमीबाट अहिले त्यहाँ पनि कोरोना नियन्त्रण उन्मुख छ । तर, गलत नेतृत्व भयो भने बलियो शक्ति पनि कसरी तहसनहस हुन सक्छ भन्ने कुराको उदाहरण अहिले विश्वमहाशक्ति अमेरिका बनेको छ ।

सन्काह र गैरराजनीतिक चरित्र भएको व्यक्तिको नेतृत्वका कारण अहिले अमेरिका कोरोनाकै कारण तहसनहस हुने अवस्थामा छ । तुलनात्मक रुपमा पछिल्लो दशक तीब्र आर्थिक विकास गरिरहेको एशियाली मुलुक भारतले पनि कोरोना संक्रमण रोक्न उचित पहल गरेको देखिन्छ ।

नेपालले चाल्नुपर्ने कदम

मुलुक लकडाउन भएको एक साता पूरा भएको छ । हाम्रा लागि अबको एक साता निकै कठिन र चुनौतिपूर्ण छ । एक साताको चुनौतिलाई हामीले सचेत ढंगले सामना गर्यौं भने नेपाललाई कोरोना मुक्त मुलुक बनाउन सकिन्छ ।

हामीले कोरोना परिक्षणको दरलाई ह्वात्तै बढाउनुपर्छ । अहिले काठमाण्डौंको शुक्रराज शास्त्री सरुवारोग अस्पताल टेकुमा मात्रै कोरोनाको परिक्षण भइरहेको छ । सरकारले अहिले सातवटै प्रदेशमा परिक्षणको तयारी गरिरहेको छ । हामीले एक साताको बीचमा जतिसक्दो परिक्षण दर बढाएर उनीहरुको उपचार गर्नुपर्छ ।

संङ्क्रमितहरुको सम्पर्कमा आएकाहरुलाई तत्काल क्वारेन्टाइनमा राखेर परिक्षण गर्नुपर्छ । जनस्तरबाट विदेशबाट आएकाहरुलाई सेल्फ क्वारेन्टाइनमा बस्न प्रेरित गर्नुपर्छ ।
संक्रमतिहरुको संख्या बढेको खण्डमा अँझ लकडाउनलाई थप्नुपर्ने हुन सक्छ ।

यदी संक्रमतिहरुको संख्या बढेन भने हामीले लकडाउनलाई खुकुलो बनाउन सकिन्छ । तर, अन्तरराष्ट्रिय उडान र छिमेकी मुलुक भारतको नाका भने अँझै केही समय बन्द गर्न जरुरी छ ।

अहिले पनि छिमेकी मुलुक भारतका विभिन्न ठाउँबाट मान्छेहरु आइरहेका छन् । उनीहरुलाई रोक्नका लागि सिमा क्षेत्रमा सुरक्षा व्यवस्था कडा बनाउन जरुरी छ । यसमा आम नागरिकले सरकारलाई सहयोग गर्न जरुरी छ ।

loading…

भर्खरै प्रकाशित

घोडाबाट लडेर कर्णालीका मुख्यमन्त्री शाही घाइते, हेलिकप्टरबाट उद्धार

शुक्रबार हुम्ला पुगेका कर्णाली प्रदेशका मुख्यमन्त्री महेन्द्रबहादुर शाही आज सदरमुकामबाट सिमकोट गाउँपालिका वडा नं ३ को तोर्पा, बरगाउँदै हुँदै लिमाटाङ्ग जाने क्रममा हुडी गाउँ र…

मितेरी हस्पिटलमा प्रसुति सहितको अप्रेसन सेवा सुरु

हिमाली पत्रिका  २१ कार्तिक, घोराही।  दाङको घोराही स्थित मितेरी हस्पिटलमा प्रसुति सहितको अप्रेसन सेवा सुरु गरिएको छ। नयाँ व्यवस्थापन सहित विशेषज्ञ सेवा प्रदान गर्न सुरु…

पत्नी वियोगमा रहनुभएका महरालाई राष्ट्रपति सहित शीर्ष नेतृत्वबाट समवेदना

२१  कार्तिक, घोराही  । पत्नी वियोगमा रहनुभएका पूर्वसभामुख कृष्णबहादुर महरालाई राष्ट्रपति विद्यादेवी भण्डारी सहित शीर्ष नेतृत्वले समवेदना प्रकट गर्नुभएको छ । विभिन्न शीर्ष नेताहरुले महरालाई…

कोभिड १९ र जैविक कृषिका निम्ति देखा परेका अवसर

माधव केसी  चिनका युहान प्रान्तमा ३१ डिसेम्बर २०१९ मा कोरोना भाइरस (कोभीड-१९) प्रथम पटक देखापरेसंगै विश्वव्यापी महामारीका रुपमा फैलिएको यस रोग नेपालमा असर पुर्याउन थालेको सात…

विदेशी च्यानल भए विज्ञापनमुक्त, क्लिन फिड नहुनेको प्रसारण बन्द

काठमाडौं । शुक्रबारबाट नेपालमा प्रसारण हुने विदेशी टेलिभिजन च्यानलमा क्लिन फिड लागू भएको छ । सूचना तथा सञ्चार प्रविधि मन्त्रालयले म्याद नसार्ने अडान लिएपछि ऐनद्वारा…