कविता | कुर्सी खेल

  • गीता निर्दोषी 

देश संकटमा छ यतिखेर
रोकिएका छन् पाइलाहरु चल्दा चल्दैका
निभेका छन् चुलाहरु बल्दा बल्दैका
गरिखाने वर्गको खाना रोकिएको छ
तयार भइसकेको घरको छाना रोकिएको छ
घरदेश फर्कन चाहने परदेशीहरु
परदेशमै विचल्ली छन्
श्रम पसिना साटेर ल्याउने चाहना रोकिएको छ
सबै सबै रोकिदा तिमी त रोकिएनौ
महान कुर्सी खेल।

रोकिए राष्ट्रिय, अन्तराष्ट्रिय
कयौं प्रचलित खेलहरु
साग, ओलम्पिक र विश्वकप त के हुन् र तिम्रा लागि
रोकिन्छन प्राकृतिक विपत्ति र संकटको बेला
तिमीलाई त न वर्षाले रोक्छ
न असिनाले रोक्छ त न विशाल आँधीले
न राेक्न सक्याे तिमिलाइ
विश्वमा नै महामारी मच्चाइरहेको काराेनाले
कहिले दृश्यका साथमा
कहिले अदृश्य रूपमा
निरन्तर चलिरह्ययौ
कुर्सी खेल।

देश लकडाउन भएका बेलामा पनि
खुव मौलाएका छन् तिम्रा खेलाडीहरु
देश संकटमा रुँदा
कयौं सपना स्तब्ध हुँदा
रोगसँग लड्न छोडेर
आफुभित्रै लडिरहेका छन तिम्रा महान खेलाडीहरु
अस्पतालमा स्वास्थ्य सामग्रीको अभाव छ
विदेशबाट आफ्ना नागरिक फर्काउने दवाब छ
गुणात्मक रुपमा बढ्दैछन् संक्रमतिहरु
त्रसित छन्  देश वासीहरु
यस्तो विषम परिस्थितिमा पनि
कहिले खुला रंगशालामा
कहिले भित्रि चालमा
चलिरह्ययौ चलिरह्ययौ
महान तिमी कुर्सी खेल।

loading…

भर्खरै प्रकाशित

सहरी क्षेत्रमा विद्यालय बन्द गर्ने सरकारको निर्णय

६ वैशाख, काठमाडौं । सरकारले कोरोना भाइरस (कोभिड-१९) प्रभावित सहरी क्षेत्रका विद्यालय बन्द गर्ने निर्णय गरेको छ। सोमबार बिहान बालुवाटारमा बसेको मन्त्रिपरिषद् बैठकले विद्यालय बन्द…

भारतमा एकै दिन २ लाख ६१ हजार कोरोना संक्रमित थपिए,…

काठमाडौं । भारतमा पछिल्लो केही समय यता तीव्र गतिमा कोरोना संक्रमण फैलिरहेको छ । हरेक दिन भारतमा कोरोना संक्रमणको ग्राफ उकालो लागिरहेको छ । पछिल्लो…

देउखुरीका जिर्ण पाँच वटा पुलको मर्मत कार्य सुरु

दाङ।  देउखुरीका अतिजिर्ण भएका पाँच वटा पुलको मर्मत कार्य सुरु भएको छ । लमही १ कौडिया पुलबाट मर्मत संभारको कार्य सुरु भएको हो । सडक…

लक्ष्मी आचार्यलाई प्रेस संगठन र युनियनको साझा उमेद्वार बनाउने निर्णय

२१ चैत्र, घोराही । नेपाल पत्रकार महासंघ दाङको आसन्न निर्वाचनका लागि प्रेस संगठन र प्रेस युनियनले लक्ष्मी आचार्यलाई अध्यक्षको उमेद्वार बनाउने निर्णय गरेको छ ।…

दाङमा यात्रुबहाक बस दुर्घटना, दुई जनाको मृत्यु

२० चैत्र, दाङ । दाङमा यात्रुबहाक बस दुर्घटना हुँदा हुदा २ जनाको  ज्यान गएको छ। दुर्घटनामा  १८ जना घाईते भएका छन् । दाङको घोराही देखि…