नारायणी किनारमा भोकाहरूलाई खान्की

चितवन — नारायणगढको नारायणी नदी किनारमा साँझ–बिहान राम्रै चहलपहल हुन्छ । तर अचेल यहाँ मध्याह्नको चर्को घाममा पनि मानिसहरू जम्मा हुन थालेका छन् । काखे नानीसहितका महिला, बालबालिका र वृद्धवृद्धा लाइन लागेर बसेका देखिन्छन् । उनीहरू भात खान पाइने आसले यसरी जम्मा भएका हुन् ।

लकडाउन र निषेधाज्ञाले कामविहीन भएका र मागेर पेट पाल्नेहरू यसरी भेला हुन थालेको तीन साता नाघ्यो । उनीहरूका लागि खानाको व्यवस्था कुनै सरकारी निकायबाट नभएर संघसंस्था र सहयोगी व्यक्तिहरूको पहलमा भएको हो । यसको नेतृत्व गरेको छ, सीता कुँवर संयोजक रहेको बेवारिसे व्यवस्थापन तथा पुनर्जीवन केन्द्रले ।

धरानबाट दुई वर्षअघि नारायणगढ आएका ४५ वर्षीय लालबहादुर परियार भारी बोकेर गुजारा चलाउँथे । दिनमा तीन–चार सय कमाउँथे । तर लकडाउनपछि उनलाई खानकै पिरलो थपियो । अहिले दिनहुँ यहीँ आएर खाना खान्छन् ।

‘यसरी खाना खाने कार्यक्रम सुरु भएपछि हामीलाई ठुलो राहत भयो । मैले यहाँ सुरुदेखि नै खाना खाँदै आएको छु,’ उनले भने ।

उक्त केन्द्रले मुख्य गरी बेवारिस शवहरूको व्यवस्थापन तथा सडकमा अलपत्र परेकाA4रूको उद्धार गर्दै आएको छ । ‘तर लकडाउन र निषेधाज्ञाका बेला श्रमिक र सडकमा बस्नेहरूले खानै नपाएर दुर्दशा भएको देख्यौं अनि भदौ ५ देखि पुलचोकमा खाना पकाएर भोकाएकाहरूलाई दिन सुरु गर्‍यौं,’ कुँवरले भनिन् ।

उनका अनुसार खाना खानेहरू दिनहुँ तीन सय जनाभन्दा धेरै हुन्छन् । भिडभाड बढ्न थालेकाले पुलचोकमा चार दिन खुवाएर पछि नारायणीको फराकिलो किनारमा सारिएको हो ।

केन्द्रले पहिले एक छाक खुवाउँदै आएकोमा बिहीबारदेखि दुई छाक नै खुवाउन थालेको छ । ‘दुई छाक खुवाउँदा दिनमा १५८ केजी चामल मात्रै लाग्छ । खर्च जे–जति हुन्छ, विदेश गएका नेपाली र स्वदेश तथा भरतपुरकै मनकारी व्यक्ति र संघ संस्थाबाट जुट्दै आएको छ,’ कुँवरले भनिन् ।

लियो क्लब भरतपुर युथका सदस्यहरू खाना बनाउनेलगायत काममा सघाउन १४ दिनदेखि खटिरहेका छन् । ‘लियोका सदस्यहरू अन्य काममा पनि खटेका छन् । लियो र लायन्स क्लबबाट आर्थिक सहयोग पनि जुटाएर यो कामलाई सहयोग गर्दै आएका छौं,’ लायन्स क्लब अफ चितवन कम्युनिटी हेल्पका सचिव सुरज पौडेलले भने ।

स्थानीय सरकारसँग भने राहत वा खाद्यान्न सहयोगको कुनै कार्यक्रम देखिँदैन । भरतपुर महानगरपालिकाका प्रवक्ता रहेका वडा नम्बर १० का वडाध्यक्ष अरुणपीडित भण्डारी चैतबाट सुरु भएको लकडाउनका बेला वडाहरूले तीन पटकसम्म राहत बाँडेको तर पछिल्लो समय त्यस्तो सहयोग नगरिएको बताउँछन् । ‘अहिले हामी आइसोलेसन व्यवस्थापनमा बढी केन्द्रित छौं । क्वारेन्टाइन पनि चलाउनुपर्छ । अरू गर्न सकेका छैनौं,’ उनले भने ।

loading…

भर्खरै प्रकाशित

लुम्बिनी प्रदेश : प्रदेशको राजधानी भएपछि तमसुक बनाउँदै महंगोमा जग्गा…

काठमाडौं । लुम्बिनी प्रदेशको राजधानी घोषणा हुनासाथ काठमाडौं बस्दै आएका नेकपाका एक नेताका नातेदार दाङको देउखुरी पुगे । उनले मजगाउँ भन्ने स्थानमा १३ कठ्ठा जग्गा…

मितेरी अस्पताल अब नयाँ व्यावस्थापनका साथ संचालन हुने

बिगत पाँचवर्ष देखि दाङ घोराहीको नवलपुरमा संचालित मितेरी अस्पताल अब  नयाँ व्यावस्थापनका साथ संचालन हुने भएको छ।  दाङ जिल्लावासी लगाएत साविक राप्ती अञ्चलका विभिन्न  बासिन्दाहरुलाई…

नारायणी किनारमा भोकाहरूलाई खान्की

चितवन — नारायणगढको नारायणी नदी किनारमा साँझ–बिहान राम्रै चहलपहल हुन्छ । तर अचेल यहाँ मध्याह्नको चर्को घाममा पनि मानिसहरू जम्मा हुन थालेका छन् । काखे नानीसहितका महिला,…

आम जनसमुदायको भावना अनुसार पार्टी एकताको दिशामा गएको हो :…

निर्मल आचार्य ‘विमल’ केन्द्रीय सदस्य नेपाल कम्युनिष्ट पार्टी (नेकपा) नेपाल कम्युनिष्ट पार्टी (नेकपा) का केन्द्रीय सदस्य निर्मल आचार्य ‘विमल’ कुनै नेताको प्रस्ताव र चाहनामा नभएर…

चर्चित गायिका कला लम्सालको तहल्का मच्चाउने तीज गीत बजारमा (…

केएम निष्ठुरी गत बर्षको तीजमा तहल्का मच्चाएको सुपरहिट तीज गीत पातली को अत्याधिक सफलता पछी चर्चित गायीका कला लम्सालले यस बर्षको तीजको कोसेली पातली २…